+
Ажилтны тоо
Бидэнтэй нэгдсэнээр
Ажлын цагийн уян хатан хуваарь
- “Бодь даатгал” ХК нь Улаанбаатар хотын ажилтнууд өглөө 8.00 цагаас 9 цаг 30 минутын хооронд ирдэг, орой 17.00 цагаас 18 цаг 30 минутын хооронд тардаг ажлын цагийн уян хатан хуваарьтай төдийгүй борлуулалтын ажилтнууд гадуур уулзалт тогтмол хийдэг тул ажлын цагаа цахимаар бүртгүүлэх боломжоор хангагдсан байдаг.
Эрүүл мэндийн даатгал, хураамжийн хөнгөлөлт
- Ажилтнуудаа хувийн эрүүл мэндийн даатгалд жил тутам хамруулж ажилладаг ба ажилтны ажилласан жилээс хамаарсан 30-60 хувийн хураамжийн хөнгөлөлтийг санал болгодог.
Спорт багийн үйл ажиллагаа
- Ажилтны эрүүл мэндэд анхаарч багийн ажиллагааг сайжруулах зорилгоор “Спорт баг” ажиллаад зогсохгүй спорт зааланд тогтмол тоглох, тодорхой давтамжтайгаар явган аялал, спортын тэмцээн уралдаан болон зуны аяллыг зохион байгуулж ажилладаг.
Ур чадварын нэмэгдэл
- Ажилтны бүтээмжийг нэмэгдүүлэхийн тулд зарим чиг үүргийн ажилтныг мэргэшүүлэх зорилгоор олон улсын мэргэшсэн даатгалын мэргэжилтэн /Chartered Insurance Institute CII/, мэргэшсэн санхүүгийн шинжээч /Certified Financial Analyst CFA/, мэргэшсэн нягтлан бодогч зэрэг авсан мөн IELTS, TOEFL зэрэг англи хэлний мэдлэгийн олон улсын стандарчилагдсан шалгалтанд тэнцсэн ажилтанд ур чадварын нэмэгдлийг үндсэн цалин дээр олгодог.
Хөнгөлөлттэй нөхцөлөөр олгодог зээл
- Бид ажилтны нийгмийн асуудлыг шийдвэрлэх зорилгоор хэрэглээний зээлийг хамтран ажилладаг банкнаас хөнгөлөлттэй нөхцлөөр авах боломжийг бүрдүүлдэг.
Төрсөн өдрийн цалинтай амралт
- Ажил амьдралыг тэнцвэржүүлэх бодлогын хүрээнд төрсөн өдрөөрөө хайртай дотны хүмүүстэйгээ 1 өдрийг хамтдаа өнгөрүүлэхэд анхаарч, цалинтай чөлөө олгодог.
Сургалт, хөгжил
- Компанийн үйл ажиллагаа, бүтэц, зохион байгуулалт, хөдөлмөрийн дотоод журам, ажлын байранд мөрдөх дүрэм, журам, байгууллагын соёл зэрэг мэдээллийг цогцоор нь өгөх, ажилтныг богино хугацаанд байгууллага, хамт олны нэг хэсэг болгох зорилгын хүрээнд шинэ ажилтанд зориулсан сургалт, ажилтнуудаа мэргэшүүлэх үүднээс дотоод сургалтыг тогтмол зохион байгуулж ажилладаг.
Сонгон шалгаруулалт
01
Анкетын сонгон шалгаруулалт
02
Шалгалтын шат
03
Ярилцлагын шат
04
Ажлын байранд тэнцэх
05
Ажлын санал илгээх
06
Ажлын байранд тэнцэх эсэх талаар хариу өгөх харилцааны хэлбэр
Хүний нөөцийн ажилтан нээлттэй ажлын байранд тэнцсэн эсэх тухай мэдээллийг утсаар эсвэл и-мэйлээр өгнө.
07
Ажлын байрны эхний өдөр
Шинэ ажилтныг бэлтгэлтэйгээр, халуун дулаанаар хүлээн авч заавар, чиглэл өгч ажиллана.
Нээлттэй ажлын байрны мэдээлэл
Оюутны булан
Оюутан дадлага хийх
- Танилцах болон үйлдвэрлэлийн дадлага хийх хүсэлтэй 3 болон 4-р курсийн оюутнууд захиргаа, хүний нөөцийн хэлтсийн hr@bodi-insurance.com хаягаар өөрийн CV, дүнгийн хуулбар, дадлагын удирдамжийг илгээнэ. Хүний нөөцийн ажилтан холбогдох журмын дагуу шалгалт авах, ярилцлага хийх ажлуудыг зохион байгуулан дадлагын оюутныг шалгаруулна.
Дадлага хийх замаар ажилтан болох
- Дадлага амжилттай хийсэн төгсөх курсийн оюутныг байгууллагын хэрэгцээ шаардлага, залгамж халааны бодлогын хүрээнд төгсөх жилийн хичээлийн сүүлийн улиралд ажиллах уян хатан цагийн нөхцлийг санал болгох замаар төгсөх курсдээ ажилтай болох боломжоор хангаж ажилладаг.
FAQ’s